Солтүстік Қазақстан облысының диқандары медальдармен және ордендермен марапатталды

Петропавлда диқандарға құрмет көрсетілді. Ауыл еңбеккерлері күні қарсаңында оларға ордендер, медальдар мен төсбелгілер табыс етілді. Барлығы 36 ауыл шаруашылығы қызметкерінің еңбегі атап өтілді, деп хабарлайды 24KZ.
Биылғы күзде астықшылар 6 миллион тоннадан астам дәнді дақылдарды басып, 20-ға жуық жаңа тауарлы-сүт фермасын салды. Жыл өнімді болып, бүгінде диқандар оның жемісін көруде.
«Біздің облысты мемлекетіміздің басты асыраушысы деп атауға болады, - деді Солтүстік Қазақстан облысының әкімі Ғауез Нұрмұхамбетов - Бүгін біз жылдағы қыруар жұмыстың қорытындысын шығарып жатырмыз. Елбасымыз деңгейінде шаруаларды айналым қаражатымен дер кезінде және қажетті көлемде қамтамасыз ету туралы алғаш рет айтылғаны шаруалар үшін маңызды. Облыстың агроөнеркәсіп кешенінің ауыл шаруашылығы кәсіпкерлері, мамандары мен қатардағы еңбеккерлері орден, медаль, төсбелгілерге ие болды. Марапатталған 35 адамның ішінде фермер Александр Фадеев бар. Биыл ол жаңа МТФ іске қосты және бүгін «Құрмет» құрмет орденімен марапатталды.
Александр Фадеев, «Атамекен-Агро-Корнеевка» ЖШС директоры:
«Бұл мен үшін үлкен мәртебе». 20 жылдан астам ауыл шаруашылығында еңбек етіп, жеткен жетістіктерім осымен ерекшеленеді. Бүгінде ауыл шаруашылығы – біздің драйверіміз. Сондықтан ауыл шаруашылығын қолдап отырған Мемлекет басшысына мың алғыс. Жалпы, біз азық-түлік бағдарламасын қамтамасыз етуде мемлекетімізді қолдауға және жұмыс істеуге әрқашан дайынбыз.
Маусымды қорытындылаған диқандар келесі маусымға дайындалуда. Мемлекеттік қолдаудағы соңғы өзгерістер оларды таң қалдырды.
Серік Малаев, «Акселеу» ЖШС директоры:
– Президент несие ресурстары желтоқсан айында беріледі деп бастама көтерді. 18% - 5% орнына. Қалғаны мемлекет есебінен. Тағы бір айта кетерлігі, 85 пайыз кепілзаттың 5 пайызын ғана төлейміз. Бұл қуантады.
Биыл солтүстікқазақстандық ауыл шаруашылығы кәсіпорындары екі мыңнан астам ауыл шаруашылығы техникасы мен құрал-жабдықтарын сатып алды. Сатып алудың жалпы сомасы 56 миллиард теңгеден асады. Машина-трактор паркін жаңарту үшін фермерлер жеңілдетілген несиелеу бағдарламаларын пайдаланады.

Авторы: Наталья Волкова, Қуаныш Қазбеков
https://24.kz