«Атамекен-Агро» АҚ - Варшавадағы Agro&Food Security 2024 форумында

2024 жылдың 2-3 желтоқсанында Варшавада ауыл шаруашылығы саласындағы маңызды оқиғалардың бірі – Agro&Food Security Forum 2024 өтті. 25 елден 300-ден астам сарапшы азық-түлік қауіпсіздігіне әсер ететін жаһандық сын-қатерлерді талқылау және оларды еңсеру жолдарын әзірлеу үшін жиналды.
Форумда негізгі салалық мәселелер қаралды: азық-түлік бағасының өсуі, климаттың өзгеруі және геосаяси тәуекелдер. Қатысушылар астық, бұршақ және майлы дақылдар нарығын дамыту, сондай-ақ жаһандық өзгерістер жағдайында ауыл шаруашылығы кәсіпорындарының тұрақты болуына көмектесетін инновациялық шешімдерді енгізу мәселелерін талқылады.
Форумға «Атамекен-Агро» компаниясы белсенді қатысты. Басқарма төрағасы Кинтал Исламов аграрлық сектордың тұрақты дамуы мен халықаралық ынтымақтастық перспективаларына арналған панельдік пікірталаста спикерлердің бірі ретінде сөз сөйледі.
Форум аясында қатысушыларға Польшадағы ең заманауи логистикалық орталықтардың бірі болып табылатын CLIP Group Intermodal Terminal-ға бару мүмкіндігі берілді. Бұл бірегей нысан инновациялар мен озық технологияның ауыл шаруашылығы өнімдерін тасымалдау тиімділігін қалай арттыратынын көрсетті.
Форум тәжірибе алмасу және жаңа серіктестік орнату үшін маңызды алаңға айналды. «Атамекен-Агро» компаниясы үшін мұндай іс-шаралар жаңа көкжиектерді ашып, жаһандық трендтерді қадағалап қана қоймай, болашақ агроөнеркәсіптік сектордың қалыптасуына белсенді ықпал етеді.
Біз әлемдік сала жетекшілерімен ынтымақтастық пен тәжірибе алмасу тұрақты дамуға, инновацияларға және азық-түлік қауіпсіздігін нығайтуға апаратын жол екеніне сенімдіміз.