Атамекен-Агро Басқарма төрағасы Кинталь Исламов 2026 жылғы 14–17 қазан аралығында Чанчжоу қаласында (Қытай) өтіп жатқан Bühler Changzhou 20th Anniversary Celebration & Global Value Nutrition Summit халықаралық іс-шарасына қатысуда.

Іс-шара швейцариялық Bühler компаниясының Чанчжоудағы өндірістік алаңының 20 жылдығына арналған және халықаралық бизнес өкілдерін, салалық сарапшыларды, сондай-ақ тамақ және жемшөп өнеркәсібіне арналған жабдық өндірушілерін біріктіреді.

Саммиттің басты назарында — ауыл шаруашылығы шикізатын өңдеудің заманауи технологиялары, инновациялық өндірістік шешімдер, кәсіпорындардың тиімділігін арттыру және агроазық-түлік секторының тұрақты дамуы.

Атамекен-Агро үшін іс-шараға қатысудың маңызы ерекше, өйткені Компаниялар тобы стратегиялық инвестициялық жобаларды іске асыру аясында Bühler компаниясымен серіктестік қатынастарды дамытып келеді.

Ынтымақтастық бағыттарының бірі — Петропавл қаласында заманауи май экстракциялау зауытын (МЭЗ) салу.

2026 жылғы маусымда Atameken-Agro Oils салынып жатқан кәсіпорынға арналған қойма кешенін жеткізу бойынша қытайлық Liyang Chufeng Steel Silo Manufacturing & Engineering Co., Ltd компаниясымен келісімшарт жасасты.

Liyang Chufeng — Bühler компаниясының консорциумдағы серіктесі. Бұл жобаны іске асыру барысында халықаралық өндірушілердің технологиялық тәжірибесін біріктіруге мүмкіндік береді.

Қол қою рәсіміне Атамекен-Агро Басқарма төрағасы Кинталь Исламов, Bühler Kazakhstan басшысы Даурен Касабеков және Liyang Chufeng өкілі Вонг Кефинг қатысты.

Бұған дейін, 2026 жылғы маусымда, «Атамекен-Агро» өкілдері Қытайдағы Bühler және CF Silo өндірістік алаңдарына да барып, жабдықтарды дайындау процестерімен, сапаны бақылау жүйелерімен және болашақ кәсіпорынға арналған технологиялық шешімдермен танысты.

Болашақ кәсіпорын майлы дақылдарды өңдеуді дамытуға, қосылған құны жоғары өнім шығаруға, жұмыс орындарын құруға және Қазақстанның экспорттық әлеуетін нығайтуға мүмкіндік береді.