«Сағат-СК» — «Парыз» байқауының өңірлік кезеңінің жеңімпазы

Еңбек күні қарсаңында Солтүстік Қазақстан облысында «Еңбек жолы» және «Парыз» байқауларының өңірлік кезеңдерінің қорытындылары шығарылды. Жеңімпаздарды облыс әкімі Ғауез Нұрмұхамбетов марапаттады.

Биыл байқауларға қатысу үшін өңірдің кәсіпорындары мен ұйымдарынан 36 өтінім түсті. Тоғыз номинация бойынша үздіктер анықталды.

«Парыз» байқауында лайықты әрі қауіпсіз еңбек жағдайларын қамтамасыз ететін, әлеуметтік бастамаларды жүзеге асыратын және қоршаған ортаны қорғау мәселелеріне жауапкершілікпен қарайтын кәсіпорындарға ерекше назар аударылады. Олардың қатарында «Атамекен-Агроның» еншілес компаниясы — «Сағат-СК» ЖШС бар. Кәсіпорын шағын және орта кәсіпкерлік субъектілері арасында «Еңбекті қорғау саласындағы үздік кәсіпорын» номинациясы бойынша бірінші орынға ие болды. Марапатты «Сағат-СК» ЖШС директоры Анатолий Ляпкало алды.

Бұл жеңіс — кәсіпорын ұжымының еңбекті қорғау, өндірістік қауіпсіздік және қызметкерлерге лайықты жағдай жасау бағытындағы жүйелі жұмысының нәтижесі.
Іс-шара аясында қорытындысы шығарылған «Еңбек жолы» байқауы кәсіби жолы мен өз ісіне деген көзқарасы өзгелерге үлгі болатын жұмыскерлер мен еңбек әулеттерін құрметтейді.

Өңір басшысы лауреаттарды құттықтап, қатысушыларға кәсібилігі мен өз ісіне адалдығы үшін алғыс білдірді және жеңімпаздарға республикалық кезеңде сәттілік тіледі.
«Сағат-СК» ЖШС ұжымын лайықты жеңісімен құттықтаймыз және байқаудың келесі кезеңінде табыс тілейміз!